新手煮婦-泰式醉雞翼

之前整過醉雞翼，係網上目到好多人整泰式醉雞翼，咁我又整下啦！

材料：雞翼約1磅、香茅1-2支、青檸3個、乾蔥約3粒、紫洋蔥1個、糟鹵1支、糖

做法》先用數片薑、蔥連雞翼滾熟，約10-15分鐘（視乎雞翼大小），

雞翼熟後盛起即時放入冰水中，冷卻使皮肉收縮有彈性。

然後把乾蔥紫洋蔥切碎、香茅切段、青檸榨汁、加約一瓶糟鹵，落糖，自行調味，

把雞翼連汁料放在玻璃瓶內，汁要浸過雞翼，雪過夜就入味喇！