這個咖哩蔬菜就是把蔬菜都灼熟然後把汁混起來吧！
蔬菜當然可自行選用不同種類，我用了薯仔甘筍和秋葵，灼熟時間先後次序為》甘旬》薯仔粒》秋葵！然後把咖哩包放入滾水中滾1分鐘左右，就可以把汁倒起來了！
我淨係用左一塊雞扒，所以洋蔥多過雞扒，哈哈！
2015年3月30日 星期一
新手煮婦-咖哩蔬菜、洋蔥雞扒
每天放工都夜，放工最好就是簡單煮！所以用現成野也是走不掉的喇！
這個咖哩蔬菜就是把蔬菜都灼熟然後把汁混起來吧！
蔬菜當然可自行選用不同種類，我用了薯仔甘筍和秋葵，灼熟時間先後次序為》甘旬》薯仔粒》秋葵！然後把咖哩包放入滾水中滾1分鐘左右，就可以把汁倒起來了！
洋蔥雞扒》先醃好雞扒、煎香雞扒兩面金黃、再下醃雞扒汁加些少熱水、連洋蔥一起加蓋焗5分鐘左右，掀蓋如水少可再加，如是者焗15分鐘左右就得了！（我見食譜用25分鐘，但我15分鐘左右已經可以，可能與鑄鐵鍋有關，鎖水炆焗較快入味）
這個咖哩蔬菜就是把蔬菜都灼熟然後把汁混起來吧！
蔬菜當然可自行選用不同種類，我用了薯仔甘筍和秋葵，灼熟時間先後次序為》甘旬》薯仔粒》秋葵！然後把咖哩包放入滾水中滾1分鐘左右，就可以把汁倒起來了！
新手煮婦-泰式醉雞翼
之前整過醉雞翼，係網上目到好多人整泰式醉雞翼，咁我又整下啦！
材料：雞翼約1磅、香茅1-2支、青檸3個、乾蔥約3粒、紫洋蔥1個、糟鹵1支、糖
做法》先用數片薑、蔥連雞翼滾熟，約10-15分鐘（視乎雞翼大小），
雞翼熟後盛起即時放入冰水中，冷卻使皮肉收縮有彈性。
然後把乾蔥紫洋蔥切碎、香茅切段、青檸榨汁、加約一瓶糟鹵，落糖，自行調味，
把雞翼連汁料放在玻璃瓶內，汁要浸過雞翼，雪過夜就入味喇！
2015年3月25日 星期三
新手煮婦-苦瓜炒蛋、涼拌青瓜
我和老公也喜歡吃苦瓜，我特別鍾意食沖繩個種，連豆腐和午餐肉一吃炒，味道很好呀！（想一想又懷念沖繩了）
之前在街市買定了些瓜類放家，今天放工買多舊豆腐就可以立即開動！
做法》我用「雷公鑿」個種苦瓜，即是肥肥矮矮頭大身細那款。
先洗淨及切簿片、午餐肉切粒、豆腐乾切粒、蛋用了3隻（因為老公帶飯)。
先煎香午餐肉、加入豆乾煎下炒下，再加苦瓜炒至軟身。
中途我加過小小熱水，下調味糖鹽（糖下了較多，令苦瓜無咁苦）。
最後就加入蛋漿，炒炒炒，咁就大功告成！
呢個餸顏色配搭幾靚！
涼拌青瓜》呢個其實我都係試下，因為之前整過但我覺得唔太好吃，今晚見有條青瓜又再試多次！
青瓜我用保鮮袋裝起，下少量鹽醃下，放入雪櫃，雪左約15分鐘都唔見有太多水出來（在網上食譜看過用鹽麴醃，不過我無，所以諗住用鹽，可能失敗左）
個汁我加了鎮江醋、減鹽醬油、麻油、糖、辣椒、蒜頭。
之後將兩者mix埋又再醃左陣，就食得！
之前係不同餐廳都吃過小黃瓜，我覺得鼎泰豐的小黃瓜好好食，自己整真係差啲，遲些再研究下！
2015年3月24日 星期二
新手煮婦-椰皇鮮奶蛋白
之前睇到網上有不同的食譜教整椰皇燉蛋白，揀左一個來試！最難其實是開椰皇！哈哈！
上youtube學識點開，先用刀削平少少個尖位等可以倒轉放好，再用刀下面尖啄位鑿開下圖開口的位置，要小心，鑿岩位，鑿幾下就會開，再用刀撬開就可以了！不過我整過幾次，不同椰皇既難易度有些不同！望落去好厚個啲通常也難開！
做法》
大碗中加入椰水160ml，鮮奶120ml，糖2湯匙，蛋白四隻，拌匀
整盤過篩去蛋清
之後加入椰皇（椰皇可放小碗內以防跌倒），蓋上保鮮紙以防倒汗水，隔水中火蒸30分鐘。
新手煮婦-前牛扒配薯蓉
西餐最常出現的食物牛扒應該是其中一樣吧！
平時我也不是常常整，稱不得上百發百中，但上次le creuset開倉買了個坑紋grill pan，當然立即就要開動試試啦！看到有格格紋的牛扒真係食指大動！！而且呢塊是和牛，只是一般價格的貨，不是好好好貴個啲，但真係唔同啲！
做法：
格格牛扒》整前略用黑椒海鹽搽匀兩面。落油，熱pan，熱唒有些煙時可下牛扒，牛扒前方向10點位置，唔好郁塊扒，約煎1-2分鐘（視乎你喜歡的生熟程度及牛扒厚薄），可用鉗在肉上壓下令坑紋深啲，然後轉向2點方向（呢個時針法我都係參考鬼嫁學架！），同樣1-2分鐘。完成後用錫紙蓋一會讓血水流出。
薯蓉》先洗淨，刨皮，切件，落滾水中滾25分鐘左右。壓碎，加凍牛油，可逐小逐小加及攪拌，凍牛油可令薯蓉變瀑滑，再逐小加牛奶（千萬不要加太多，逐少加目測薯蓉狀態），個人為了不想太肥沒有加太多牛油，故不會是完全creamy狀態！最後加黑椒海鹽調味！
新手煮婦-冬蔭公炒飯
做法：下油（要多啲），落冷飯，炒一會，再加料（已忘記有無落蛋），加冬蔭公醬約2-3匙，炒匀便可。（可試味如太辣可加糖）
新手煮婦-芒果牛柳米紙卷
平時鍾意食米紙卷，所以放假又整下。因為想食芒果，所以買左個呂宋芒，好甜。家中有塊急凍牛扒，於是想起芒果配牛應該不錯吧！
先用海鹽，黑略醃將牛扒，再切條，下油煎牛扒，我想熟啲就煎3-5分鐘，之後用錫紙蓋著牛一會，如果有血水就會滲出來，待涼。
洗淨生菜，搣好一塊塊，去掉水份，待用。
芒果去皮切條，青瓜刨絲，加炸蒜，另有唐生菜。
預備一個深碟盛熟水，米紙浸一浸水拿出放在碟上，鋪上食材，卷起就成。
汁：魚露、糖、青檸汁、乾葱絲、辣椒
第一次整賣相麻麻，同餡料可以多些令個卷「豐滿」些，如加檬粉、三色椒等。
試過用一張米紙包較薄，兩張也可以！
新手煮婦-涼拌茄子、秋葵煎蛋
一直都想試整涼拌茄子，見到網友分享如何令茄子不變色！今次因為個鑊太淺而條茄子太厚關係，未成功整到紫色，但個汁睇下食譜加加減減，都唔錯啊！
做法：灼熟茄子（網友說如果要茄子不變啡就是在灼的過程不要讓茄子浮出水面！
灼10-15分鐘（大約）都軟身了盛起，待涼。
調較汁：糖、蠔油、生抽、紹興酒、蔥、蒜蓉（我記得我好似因為落多左蠔油加左啲水，哈）
秋葵煎蛋》洗淨、切粒、用易潔鑊煎蛋（蛋液我加左少少胡椒粉鹽調味），加秋葵，下海鹽調味，完成！
平時食開秋葵通常整條白杓，切粒都不錯，多些食法！
2015年3月23日 星期一
新手煮婦-家常小菜（梅醬蒸排骨、蒸銀魚仔、蒜蓉炒菜心苗、潺菜豆腐肉片湯）
星期日不想煮太複雜，行街市見到好耐無食的潺菜，太開心，忍不住買了半斤滾湯（$4 only)。又買左包獨子蒜，試下有什麼不同，街市呀姐話唔會咁快發芽（之前買普通蒜頭擺得耐就發唒芽😭）
做法：
潺菜豆腐肉片湯》買滾湯用滑豆腐，洗淨切中粒，備用。瘦肉先飛水（不過我之前睇鬼嫁話將舊肉凍水落，一滾起就熄其實仲好，此為跑活水｛如有錯請更正我呀｝，可以保留更多營養和去雜質），水滾後落瘦肉、菜、我後小小至落豆腐費是太老，調味後就完成了！
蒸銀魚仔》非常簡單，先浸水變軟，洗下，加上幼薑絲，我放落電飯煲一齊蒸！簡單方便！蒸完後灑上熟油豉油便成！
一個小時都唔使就有三餸一湯了❤️
新手煮婦-芥蘭炒臘腸、蒸水蛋、薯仔炆雞翼
平日要上班，下班回家後都接近七點，很多時候都已經很攰不想動，但又想不到出街吃什麼，所以有時都寧願自己煮，老公又可以帶飯！
作為新手煮婦，很多時候都是東看看西看看參考不同的食譜，再加上自己的丁點天份及直覺（哈哈），所以很多時候食譜中份量那個位置也沒有一個實數（😆）
芥蘭炒臘腸》1）洗芥蘭、摘花芯、切段
2）隔水蒸熟臘腸（約5-7分鐘）
3）下油，炒下臘腸，盛起
4）爆香薑片（多啲），加入菜，炒一會，加調味（紹興酒、蠔油、糖2-3茶匙，可以自行加減、熱水）
蓋上蓋約2-3分鐘，唔好太多水就可以了！
水蛋》我參考網上食譜，覺得幾好！
1）三隻蛋發好，加入雞湯300ml(2隻蛋用200ml)
2）預先隔水把碟連水滾起，再倒入蛋漿（我沒有過篩，懶！）
3）中火蒸3分鐘，熄火焗15分鐘，加上豉油蔥花，完成！
薯仔炆雞翼》1）預先醃好雞翼
2）洗切薯仔，切後用水浸著以防生銹
3）先煎好雞翼，待用
4）爆香薑蔥，炒下薯仔，半熟後下雞翼
5）下調味料（蠔油、糖、鹽、熱水等等），炆30分鐘左右，攪掂！
新手煮婦-西式x泰國菜（招呼朋友）
搬進新居後第一次招呼朋友來，只是兩位朋友來已經要忙一整個下午，
不過看到桌面都是美美的食物就覺得很開心啊！
先介紹一下菜單：
泰式柚子沙律
Parmaham 沙律
白酒煮蜆
黑松露烤芝士大磨菇
檸蜜雞翼
白灼秋葵
冬蔭公羅絲粉
做法：
泰式柚子沙律》我用泰國金柚，個人覺得較好。做法其實很簡單，最重要是醬汁。醬汁我用魚露、切幼絲的紫洋蔥、乾蔥、糖、青檸汁、辣椒混合起來就成！當然你想辣啲酸啲或甜啲可自行試味再調較哦！但紫洋蔥乾蔥就好重要！拆肉後混合醬汁、再加些芫莤、炸蒜就行了！
Parmaham 沙律》這個更簡單，沙律菜和汁全部混合就成，沙律汁是柚子醋味，另加切幼絲的檸檬皮，黑椒調味
白酒煮蜆》我先灼熟蜆，以防有沙。再用牛油起鑊炒香洋蔥，放下蜆炒3分鐘左右，下白酒、蓋上蓋焗一陣，再下調味及basil。清清地的一道餸！
黑松露烤芝士大磨菇》先用廚房紙抹乾淨大磨菇（不要用水洗，會洗去菇味），去掉菇的蒂部，在中央落茄汁和bb沙律醬（可橫間直間交叉落）再下Rosemary,黑椒、海鹽、上面鋪mozzarella,最後加黑松露（可不加），視乎磨菇厚薄大細，我用微波燒烤爐烤15-20分鐘。
檸蜜雞翼》前一晚用頭抽、老抽、糖、米酒、鷹粟粉、檸檬汁（半個）醃一晚，第二天拿出室溫一會、再放上檸檬片（半個）、塗上蜜糖（我用燒野食個隻），放烤爐烤約30分鐘。中途要翻身及目測情況（因應雞翼大細不同，老公和我都喜歡細細隻的雞翼，更易份味！）
白灼秋葵》洗乾淨秋葵，白灼約3-4分鐘（剛熟就好，太熟會太軟身），待涼，沾豉油wasabi醬吃。
冬蔭公羅絲粉》第一次跟鬼嫁食譜整，不過沒有用蝦。滾水後加鹽，先灼熟螺絲粉，約按包裝顯示減兩分鐘，完成後可加油以防羅絲粉乾後黏在一起。準備定冬蔭公材料包，香茅切段（盡量扎好不太散，食時方便），檸檬葉用手撕香味較出，青檸通常一個不夠用、用上兩至三個、南薑去皮切片、辣椒隨意切小段。我先爆香乾蔥紫洋蔥，再下羅絲粉炒下、下椰奶（食譜用250ml,我用一罐275ml，費是留），再加冬蔭公醬約兩至三茶匙（自己試味想辣啲定淡啲），落冬陰公包，煮三至五分鐘，有油起面，醬汁收得七七八八就差不多，因意粉會吸汁，故不用太乾身。
新手煮婦-雙重芝士蛋吐司早餐
睇住食譜整好簡單，再外加parmaham沙律和尊遜腸，以色列蕃茄烤10分鐘左右至林身爆開少少己好甜好好味。
芝士蛋吐司：先在麵包上用匙羹壓下中間位來盛蛋，再灑上少量黑椒和鹽調味，四週用上車打芝士和parmasan cheese，烤10左右，中間目測下變化。（因為我無焗爐係用微波燒烤爐）
好簡單就大成功！
訂閱：
文章 (Atom)