新手煮婦-白菜豬肉餃

星期日熱辣辣唔想食飯，心血來潮想包下餃子！

餃子皮在聯和墟舊式製面廠買的，聽說很好味！

其實我都係第一次正式由製作餃子餡料到包餃子，所以都有點緊張同期待！

材料： 餃子皮半斤（24塊）、白菜半斤、半肥瘦免治肉$23、蔥適量

醃料：鹽、醬油、酒少許、胡椒粉

以上份量係菜多肉少，如想多肉就自行再加減了！

包唒半斤皮仲有少量淨，我炒熟左包埋越車南米紙食！

做法：1）洗淨菜，瀝乾水備用

2）免治豬肉加醃料及蔥粒拌至起膠狀（之後無咁易散）

3）白菜切碎，榨出水份

4）把白菜拌入豬肉碎，如太多水可榨出

切碎白菜如下：

預備包了！平盤撒上面粉以防黏著，預備一碗水用來黏合餃子皮！

我用的是方皮，參考了網上包法，選了這個簡單又漂亮的包法！

方皮放手中，把餡料放在皮上對摺，摺後把左右下角屈向中間黏著就可以！

完成圖如下

最後滾起水淥熟就可以了！

新手煮婦-洋蔥豬扒

之前係數字屋買左急凍豬扒，整個洋蔥豬扒酸酸甜甜啦！
材料：
豬扒（1盒有4塊）
洋蔥1個

醃料：
糖
生抽1湯匙
紹興酒1湯匙
粟粉1/2湯匙
麻油少量
胡椒粉少量

醬汁：
茄汁 1湯匙
生抽 1茶匙
糖 2茶匙
水 3湯匙

做法：
1）先解凍豬扒，洗淨抹乾，切塊
2）醃15分鐘
3）洋蔥切絲
4）燒紅鑊，煎豬扒至兩邊金黃色，盛起待用
5）燒熱油，炒洋蔥至少少金黃及軟身
6）加醬汁及豬扒，炒至醬汁變濃及熟透，盛起

完成！

新手煮婦-皮蛋瘦肉粥

平時我不喜歡食粥，不喜歡熱辣辣吃極也未吃完的感覺，在家中煲粥更加很小，基本上都是生病了才會煲粥！

今次都是因我老公病了說想吃粥，所以先煲，仲要係第一次煲！

參考了鬼嫁的食譜，但因為家中爐頭火力大，所以唔可以完全跟足！

材料：米（我用了米杯7成滿）、皮蛋x2、瘦肉$20（用淨少少）、水（米杯）x7杯

*鬼嫁貼士係米：水=1:10

做法：

*皮蛋洗淨切粒

*瘦肉先醃（鹽、胡椒粉、味霖/糖、粟粉）

1）先洗淨米，用水浸半小時以上，加兩滴油落水到，會令粥更綿更滑

2）米瀝乾水，煲滾水後落米，一直攪至滾起

3）蓋上鍋蓋，用最細火煲20分鐘（因我家爐頭太大火，故差不多滾瀉就揭蓋，同只煲了12-13分鐘左右）

4）揭蓋後如果太杰可加熱滾水，一邊繼續攪約10分鐘，使粥綿綿

5）加瘦肉，中大火拌好，蓋上鍋蓋煲3分鐘（視乎肉的厚薄）

6）加入已切粒皮蛋，中大火拌勻兩分鐘，下調味（鹽、胡椒）

7）加蔥在粥面

完成！

新手煮婦-伯爵茶牛奶布甸

一向都喜歡伯爵茶的味道，今次參考網上食譜弄了伯爵茶牛奶布甸，有淡淡的伯爵茶味很好吃！

材料：伯爵茶包x5、牛奶700毫升、糖60克、魚膠片12克、淡忌廉200毫升

做法：

1）將牛奶及糖用中小火煮至微熱

2）魚膠片用凍水浸軟，搾乾水待用

3）牛奶微熱後放茶包落牛奶處，蓋上蓋焗15分鐘

4）焗完後，拿起茶包用隔篩壓出茶包內的奶，之後茶包可掉

5）趁還微熱放入魚膠片攪至溶

6）加入淡忌廉，攪勻

7）用隔篩裝入小瓶內（以防有茶渣）

8）放入雪櫃雪至凝固（我是第二日才吃）

*用量杯裝入瓶就不會弄瀉

*這個份量做到約9個小瓶

新手煮婦-芒果糯米滋

呢個甜品真係好味又易整！大人細路都鍾意！

材料：芒果、糯米粉150g、澄麵38g、暖水282g、

糖94g、植物油38g、椰絲

預備好1）手套、2）紙兜仔

（份量約整到20粒）

做法：1）芒果切粒待用

2）將植物油、糖搓鬆

3）拌入糯米粉、澄麵、暖水，拌成麵漿（逐次逐次加暖水）

4）倒入盤內蒸12-15分鐘，蒸好後攪拌好，待涼

5）將芒果肉放在皮內包裹，碌上椰絲就行

微波爐版：步驟4）變成入微波爐叮約7分鐘

芒果味皮版：步驟3加埋打成汁的芒果入去，咁個皮就都有芒果味同黃色啦！

*蒸熟後攤涼啲會無咁痴笠笠，如果太痴手套可搽油

*包時可試試將要的份量放手心，壓圓啲平啲，放入芒果後兩隻手將皮邊向上包埋口，碌上椰絲後埋口位放紙兜仔底，咁就靚啲啦！

*我用入得微波爐既膠兜，蒸/叮完都唔會痴住個兜！試過用不銹鋼兜隔水蒸，蒸完痴實唒..

*整過幾次，真係功多藝熟，開始整到又大又難包，整多d就已經掌握到如何包得靚！

*雪凍一晚再食都唔會硬，好好味架！

新手煮婦-椰汁桂花糕

復活節呈獻～椰汁桂花糕

材料：桂花糕》桂花糖2湯匙、熱水250ml、凍水200ml、魚膠粉25g

椰汁糕》魚膠粉25g、熱水400ml、糖110g、椰漿200g、淡忌廉70g

我稍微修改了參考食譜的份量，食譜桂花糕都有用砂糖100g，不過我因為無唒糖，用多左桂花糖1大湯匙左右！而魚膠粉食譜係30g不過因為我得50g，所以每隻糕都係25g, Hahaha！

做法：椰汁糕》先把糖及魚膠粉加熱水溶掉，

加入椰漿及淡忌廉慢慢拌勻，不用太大力以免起泡。

倒進模雪至凝固（放在冰箱快雪約25分鐘）

桂花糕》魚膠粉先用熱水溶掉，

另外桂花糖用熱水溶掉，再與魚膠粉液混在一起，

再加入凍水拌勻，

加入已凝固之椰汁糕上，雪至凝固。

桂花層凝固後再加入一層椰汁，雪至凝固，完成！

新手煮婦-百香果紅茶

太近幾個月工作忙碌，少了煮飯的日子，前幾天見到有百香果買，$20一份有成8個左右，就買回家！（因為我本身都很喜歡百香果我味道，就算未諗點用都先買回家，哈哈）

發現百香果都很酸，就這樣直接吃掉似乎不行，於是製作了百香果紅茶出來！浸泡一晚雪凍更好喝呢！

製作1L份量如下

材料：百香果6個 、砂糖4包（茶餐廳份量）、紅茶包3個

做法：先將百香果洗淨切一半，挖出果肉；

熱水沖泡紅茶包，浸約4分鐘拿走茶包；

加糖至茶中，再加百香果肉，待涼放入雪櫃，完成！

如果想飲熱都可以即飲，不過個人覺得過一晚後喝味道更好！

如果喜歡可以加入檸檬汁，我試過味道都很好的啊！