新手煮婦-泰式粉絲蝦煲

放假有心機整新菜式，就試試跟鬼嫁食譜整呢個「泰式粉絲蝦煲」！不過唔係跟足唒食譜，自己又改下咁！
材料：蝦、煙肉/五花腩、泰國粉絲（用普通粉絲也行，泰國粉絲口感較好）、蒜頭、薑、芫莤
醬汁：生抽、老抽、紹興酒、糖、水、麻油
做法：1）先把材料洗淨，蝦剪掉蝦鬚、頭部尖位，印乾蝦，把蝦浸在醬汁內
2）煙肉切片，薑切5-6片、芫莤要分2部分（根部及葉），我用左獨子蒜3粒
3）把煙肉鋪在煲內最底層，之後放薑片
4）芫莤根部及半份蒜頭舂出味，放在薑片上，落黑胡椒
5）鋪上粉絲
6）鋪上蝦、最頂層放芫莤葉，指天椒
7）蓋上蓋，中火煲3分鐘，慢火15分鐘，熄火焗5分鐘
完成！最後混合一起就大功告成！如果醬汁未收乾可以再中火滾一陣，但也要預計粉絲會吸水